Zeturdag 27 september.

Mooi weer, voetbaltasje inhepakt, fietsje hepakt in mee un berrug hoeie zin op weg naer d'n aekerboam! Anhekomme op ut complex zie je in de kantine de strekke kopjes al: Internos nummertje 4 kom op bezoek. Snel krieg je nog even un uutnoidigieng voor de BBQ op 11 oktober in je anden hedouwd dus verschient dur bie iederjin even een snelle maar welhemeende glimlach op ut hezicht. Voor de wedstrijd wordt dur al wat hepsproke over oe at iederjin op zun eihe manier naar de wedstrijd ai toeheleefd. De jin doet dat deur vee te tenissen in schots vocht in te nemen, de ander doet dat om tactisch sterker te woiren deur mee ut derde mee te trainen! In jil soms woir dur 's ochens diengen hedaen die ak ier nie kan zahe, mar ut ai ok mee sinasappels persen te maeken!

Foto 1: Jan Hage is A-L-T-I-J-D fel.

Mar dan komt dur ineens bie de mjiste gladiatoren even un moment van twuufel: "Ebbe mun wa henogt mensen??!!" Even telle.........ja at noe nog die in die komt dan motte mun dur net komme. Dur wiere zellufs al namen henoemd die atte un poos nie odde heklonke op d'n Aekerboam! Ik noeme un Niek W. en Bart Z.!!! Jin iemand zag toen al heliek de buuje ange................... Kaadegee! Kees zag dat mun heen scheids odde in offerden zun eihe op! Kees hijsten zichzelf in ut zwarte pak in nam dun fluit ter hand.

Kees nog bedankt voor dit!

Anhekomme in de kleedkaemer wachten un nieuwe verrassing: ut nieuwe tenue was hearriveerd. Iederjin dook dus heliek de kartonne dooize in in greep un sjurt waardur iederjin un bitje mee un ander nummer liep as anders! (Ut jin in ander mot dan ook nog omhezet woire, want anders klopt de murdzjedaising in de megastore van S.P.S. nie mjir.)

Foto 2: En nu maar hopen dat Ton van der Werf (15)
óf Berrie Hage (7) de bal heeft geraakt.

Jillemaille anhetreeje op ut veld, nadat onzer aller R. H. de poppetjes ot weggezet, hieng ut steeds iets minder. Ut 4de behon lekker mee un paer kansjes mar wiere un bitje overrompeld deur de snelle omschakeling van Internos. Ondanks ut soms mooi spel in de kleine ruumtes van de mannen in ut rooid in de fraaie reddingen 'a la Eddie P . G.' van Lenee v.d. W. konden we nie verkomme dat mun de rust inhienge mee un 3-0 achterstand.
Iederjin weet van vroeger dat je in de jeugd nooit mar dan ok nooit hewisseld wou worre. Nou.......in ut vierde werrekt dat iets anders! At ut zinnetje woir hezaid van: "iemand wissel jongens? " Dan woir je uut verscheidene hoeken van de kleedkaemer: "ah ik wille wa oe" of "ut maek mien nie uut"! Afijn ut jin in ander wier omhezet in we hienge terug de waaije in!

Foto 3: Lastig te zien, maar Maarten Hage (blauwe
knieband) scoort hier het eerste tegendoelpunt van S.P.S. 4

Echt vee ellupe dee ut nie,want we stonde al weer rap mee 4-0 achter. Tja... coach R.H. wist ut ok al nie mjir in dur kwam ier in daer ok un bitje frustratie naar boven. Toch kwam dur un lichtpuntje! Uut un oekschop van Jaco nam Maarten Oahe de bal an in schoot dezen in de n'oek buuten ut bereik van de keeper! Om in Maarten zun eihe woorden te bluuven: "Die od zellufs van der Sar nog nie had!"
Ut kan dus wa, dochte de mjiste van ut 4de dus!!! Mar wee keke dus al snel weer tegen un 6-1 achterstand an! Onze Lenee kon mee katachtige reflexen ok ut tij nie mjir kere. Mar deur un mooie combinatie dwars deur ut midden van ut veld tussen Maarten Oahe in Berrie Oahe, schoot de tweede Oahe in dit heval de bal in ut net in wier de stand weer op 2-6 hebrocht! Mar ja, je raaid ut biena al....... ja 2-7!

Toen kwam ut mooiste doelpunt van de middag. Henk Vane; voorzitter/trainer/speler/mascotte, kreeg de bal in de loap anhespeeld in bedocht zich geen enkel moment in lobden dun bal vanaf 30 meter over de verbauwereerde keeper van Internos. Ah je ut an Henk vraagt zal dezen wa in zun oltijmfeevurruts staen oe! Nou we kunne eindihe mee ut verhaal dat op ut einde nog onenigheid was over un afgekeurd doelpunt van Internos, mar Kaadegee was de slimsten in blies nog un riedel op zun fluit in zai toen: "Einde jongens!" 3-7, tja in toch ebbe mun lekker hebald...................................................

(Berrie Hage)

(voor een vertaling van bovenstaand stuk, mail de redactie)