(kop)

Nog un jil klein kansje odde mun om deur te gaan in de beker. Allin nog even D.S.E. mee 3 doelpunten verschil verslaan in dan moste die andere mee weet ik oevee verlieze. Ut most ok nog olluve maan weze, springtieje in de jiste flok mee ganzen moste al naar ut zuujen vertrekke… dan konden we nog un ronde verder komme.

Op dn aekerboam anhekomme was t al heliek te merken. Ut was mn daar toch un partijtje warum, nie normaal. Iederjin was die middag op komme drave behalve ut beste paard van stal… ons aller Jantje Hage. Dat was jammer want noe sta jan nie op de elftal foto. Misschien dat d’n vjirtienuh nog even iets kan fotosjoppuh zodat Jan dr heweun bieheplakt kan worre. Aoltiet leuk zo elftal foto (al snap ik dat jist naar benejen kieke in dan ineens naar Dn fotograaf kieken nie jillemaal).

Foto 1: René.

Foto 2: Ton.

Foto 3: Corné.

De wedstrijd weet ik eihenluk weinig meer van. Na 10 minuten droop ut zweet bie iederjin van zn bolus in ot D.S.E. al verscheidene kansen had. Die mannen konden nameluk best hoed balle in ware redeluk fysiek anwezig. Mar mee un oap duerzettingsvermogen in ieseluk hoed balhevoel van Nilles stonden we toch op den duur mee 1-0 voor. Dat was voor D.S.E. un bitje un tehenvaller, die mannen behonne heliek te ouwehoeren in de grens docht bie zn eihe “mien vlahhe doek nie meer naar beneejen”. Ut was jillemaal wat toen atte mun nog un pingel kreehe ok. Sjaak brak deur in de keeper zag geen bal maar allin maar Sjaak. De spanning was te sniejen, Maarten achter de bal…………….. op de pale……… jammer oe. Ierna kregen we nog un paar hoeie kansen in was Jaco jil dichte bie un goal mar we hienge mee 1-0 an gerda dr thee.

Foto 4: Maarten mikt op de paal.

Foto 5: Duidelijke overtreding van Wilmar.

Foto 6: Jaco passeert de laatste verdediger.

Na de rust was ut eihenluk pingpong: wij schote de bal naar voren in ie kwam weer net zo ard terug. Jan “de snorre” Elenbaas most nog even onder de dwarsligger omdat Rene Uul zn chinees van de vorige avond dringend zn lichaam wou verlate.  Op un heheve moment brak un speler van D.S.E. deur, Arjan zet zn slaiding in…………. pingel voor D.S.E. Arjan zn wanhopige enigszins verliefde blik naer Berry dn arbiter leverde niks op, ut bleef un pingel. Rene zat nog wel in dn hoeien noek mar ut was 1-1. Dit was ok tevens dn eindstand. Voor de rest, je kent ut wel, biertje doen… potje ouwehoeren in naar uus. Volhende weke behin computitie.

Berrie

Scoreverloop:
15e minuut: 1-0
rust
74e minuut: 1-1